UKRAINAKO GERRA
Aitor Ruiz de Angulo: "Emaztearen senideek goizeko 5:00etan bonbak entzun eta Kievetik ihes egin dute"
Mikel Uarza | EITb Media
Ukrainako hiriburuan, Kieven, jaio zen Aitor Ruiz de Angulo gipuzkoarraren emaztea. Goizaldean, senideek autoa hartu eta bertatik ihes egin dute, Poloniako mugara.
Your browser doesn’t support HTML5 audio
"Mugan gelditu nahi dute, Ukraina barruan, baina gauzak okertuz gero, euren bila joango gara". Aitor Ruiz de Anguloren lekukotza da, emazte eta senide ukrainarrak dituen gipuzkoarra. Ruiz de Anguloren anaia Alemanian dago, Ukrainako mugatik 900 kilometrotara, bertara gerturatu eta senideak Euskal Herrira ekartzeko.
Txanponaren beste aldean, Ruiz de Anguloren emaztearen beste bi senide. 19 eta 42 urteko gizonezkoak, militarrak dira biak eta ukrainar armadak frontera deitu ditu. Ezjakintasuna da nagusi eta kezkaz hitz egin du Euskadi Irratiko 'Faktoria' saioan.