Zinema eta Antzerkia
Edurne Azkarate: “Batuan oinarritutako beste euskara bat sortu dugu Irati filmerako”
Ainhoa Urretabizkaia | EITB Media
Paul Urkijoren "Irati" pelikulako protagonista izango da Edurne Azkarate, eta bere lehen film luzea izango dela kontuan hartuta, urte berezia izango dela aurreratu digu. Gainera, bere FORMOL antzerki konpainiaz, eta dituen gainerako proiektuez aritu gara.
Your browser doesn’t support HTML5 audio
Udazkenean iritsiko da pantaila handira Irati filma, eta Eneko Sagardoyren ondoan, besteak beste, eta protagonista paperean Edurne Azkarate egongo da. Grabazioak amaituta, estreinuaren aurretik, hala ere, Azkaratek antzerki munduan dituen gainerako proiektuei buruz hitz egiteko tartea hartu dugu: Merina Gris taldearen azken klipean Jon Ander Urrestiren alboan ikusi dugu eta bizkaitarraren mezu bat ere entzun dugu.
Azkarate, batez ere aktore da, baina zuzendari lanetan ere jardun da, bai Formol, antzerki konpainian, baita eRRe ikuskizunean ere.