Biziola: bizitzaren fabrika martxan jartzeko bidean da

Ekonomia sozial eraldatzailean ari diren elkarte eta herritarrak batu nahi dituen proiektua da Biziola. Lazkaoko Arruabarrena enpresa zaharrean izango du egoitza. Bertako elikagaiak banatu eta eraldatuko dituzte bertan, proiektu berrien mintegi izango da eta kultur-leku ere bai.  Maiatzerako 500 kide lortu nahi dituzte eta aurkezpen ekitaldia egin osteko lehen aste honetan, dagoeneko, batu dira proiektura ehun lagun baino gehiago. Andoni Mikelarena kooperatibako kideak eman dizkigu dituzten asmoei buruzko xehetasunak.