Ukrainako gerra
Butxako irudiek berretsi dute Natalia Zhyvotovska-k egin zigun kontakizun gordina
Ane Albisu | EITb Media
Ukrainako gerrako irudi oso latzak iritsi dira Butxatik, eta gogora ekarri dugu joan zen astean Natalia Zhyvotovskak egin zigun kontakizuna. Butxakoa da bera eta ihes egitea lortuta Aretxabaletan dago une honetan.
Your browser doesn’t support HTML5 audio
Txernobylgo haur gisa Aretxabaletara etortzen hasi zen Natalia Zhyvotovska 4 urte zituela eta orain gerratik ihes eginda hemen da berriz ere amarekin eta beste adiskide batekin. Errusiako soldaduak etxeraino sartu zitzaizkien eta gerra oso gertutik bizitzea egokitu zaio. Ihesean, ezkerrera eta eskuinera begiratu ezinik joan zen, hildakoak zeudelako lurrean eta zorabiatzeko beldurra zuelako.