Zelenskiren hitzaldia
Gorroño: "Espero dut Sanchezek aitortzea, orain bai, Gernikako bonbardaketan frankistek parte hartu zutela"
Jone Larrañaga | EITb Media
Gernikako alkateak jakinarazi du orain hiru aste eskutitza bidali ziola Espainiako gobernuburuari, eta bere erantzunaren zain dagoela.
Your browser doesn’t support HTML5 audio
Jose Maria Gorroño gernikako alkateak espero du, Volodomir Zelenski Ukrainako presidenteak Espainiako Kongresuan astearte honetan egindako hitzaldiaren ondoren, Espainiak Gernikan gertatutakoaren egia onartuko duela behingoz. Alemaniarrk euren erantzunkizuna onartu zutela gogoratu du, eta zain dagoela Espainiak noiz onartuko duen Gernika frankisten aginduz bonbardatu zela.
Ildo horretan, jakinarazi du orain hiru aste bidali ziola eskutitza Pedro Sanchezi eta bere erantzunaren zain dagoela: "Atzokoagaz espero dut, orain bai, Sanchezek publikoki esango duela Gernikan parte hartu zutela frankistek. Eta ni horren zain nago", esan du.