Pantailaren bestaldean
Iñaki Tena: "Zuzendari laguntzaileak batzutan gaizto papera hartu behar du"
Ainhoa Urretabizkaia | EITB Media
Zinema eta orokorrean ikus-entzunezkoen mundua oso gustuko izan du Iñaki Tenak txikitatik, eta zaletasun horri tiraka, orain ogibide bihurtu du; gaur egun zuzendari laguntzailea da, bideoklipetan lan egiten du gehienbat, eta azkenaldian Aitana eta C. Tangana bezalako artistekin lan egin du.
Your browser doesn’t support HTML5 audio
Iñaki Tenak badaki maila handiko aktore eta musikariekin lan egitea zer den. Ikus-entzunezko Komunikazioa ikasi zuen Mondragon Unibertsitatean, eta ondoren Madrilen Zuzendaritza masterra egin zuen. Bertan geratu da, eta hasierako lanak telebistan egin bazituen ere orain batez ere musika munduan murgilduta dabil; bideoklipak grabatzen ditu eta zuzendari laguntzaile baten lana zein den azaldu digu; askotan filmatze batean gehien enzuten den ahotsa berea izaten dela aitortu digu.