Urkullu: "Blancoren hilketak ekarri zuen biktimen aitortza eta duintasuna. Asko egin da; asko dago egiteko"

Miguel Angel Blancoren bahiketaren eta hilketaren urteurrenean, Iñigo Urkullu lehendakariarekin hitz egin du EITB Mediak. Kasu hartaz egindako erabilpen politikoaren gainetik jarri du lehendakariak gizartearen erantzuna. Hala ere, oraindik egiteko asko dagoela aitortu du. Gizartea oinarri etikotan eraiki behar dela, eta, zentzu horretan, indarkeriaren injustizia aitortzeke dagoela dio.

Igandean Ermuan egingo den oroimen ekitaldian parte hartuko du lehendakariak. Espero du ekitaldi horrek balioko duela giza eskubideekiko eta bizikidetzarekiko konpromisoa berresteko.