KOOPERATIBISMOA
Iñigo Arrieta eta Antxone Aranzeta: "Gaitza da industriara emakumeak erakartzea, baina gogor saiatzen gara"
JOn Artano | EiTb Media
Etxebarriko EIKAk 50 urte bete ditu, berdintasuna eta euskara ardatzean jarrita.
Your browser doesn’t support HTML5 audio
1973ko abenduaren 22an, Lea-Artibai eskualdeko 47 pertsonek ehuna mila pezeta jarriz sortu zuten EIKA. Industria tradiziorik gabeko eskualdean egin zuten apustua, herriak ekonomikoki suspertu eta lanpostuak sortzeko, batik bat andreentzat. Orduz geroztik bide luzea egin du Mondragon Korporazioan sartutako taldeak, krisialdi gogorrak gainditu ditu eta egun ehunka behargin ditu Euskal Herrian eta atzerrian. Munduko edozein txokotan bitrozeramika sukalde-gain bat irekiz gero, barruko osagaiak EIKA kooperatibak egindako izateko aukera % 50ekoa da.
"Konpromisoak erradiatzen" leloaz ari dira ospatzen mende erdiko bidea. Antxone Aranzeta eta Iñigo Arrieta EIKAko egunerokoaz eta historiaz aritu dira, beren talde sentimenduaz eta transmititu nahi duten kulturaz.