Txokolate dastaketa
Txokolatea, besterik ez
Karmele Uribesalgo | EITb Media
Txokolate dastatzailea da Xabi Urizar. Nazioarteko Txokolate eta Kakao Dastaketa Institutuan egin ditu ikasketak, eta marka bat sortu du: Xabi Cacao Tasting. Euskal Herriko lau txokolate ekarri dizkigu probatzeko.
Your browser doesn’t support HTML5 audio
Betidanik izan du gozogintzarekin lotura Xabi Urizarrek, amak gozotegi bat baitzeukan. Dena den, inoiz txokolaterik egin gabe, txokolate dastatzaile ikasketak egin zituen Nazioarteko Txokolate eta Kakao Dastaketa Institutuan.
Orain bi lan uztartzen ditu: euskara klaseak ematen ditu ikastetxe batean eta txokolatea dastatzen du. Xabi Cacao Tasting marka sortu zuen, eta, besteak beste, aholkularitza eskaintzen dio jendeari.
Euskal Herrian ekoitzitako lau txokolate ekarri dizkigu dastatzeko.