Oteiza Museoa
Juan Pablo Huercanos: "Oteizaren Laborategi Esperimentala da nire obra kuttuna"
Ainhoa Urretabizkaia | EITB Media
Oteiza Museoko zuzendariordea da Juan Pablo Huercanos eta museoan duten jardunaz eta aurtengo erronkei buruz hitz egin digu. Gainera, Chillidaren jaiotzaren ehungarren urteurrena dela eta bi artisten arteko harremanaz ere jardun da.
Your browser doesn’t support HTML5 audio
Komunikazioan graduatua da Juan Pablo Huercanos eta ondoren egin zuen Kultur Enpresen Kudeaketan Graduondokoa; egun, Oteiza Museoko zuzendariordea da. Artearekiko interesa oso gaztetatik duela azaldu digu, eta Komunikazioan gradua egin ostea, bere lan jarduna artearekin lotu nahi zuela argi izan du beti. Oteizaren lan bat azpimarratzekotan Laborategi Esperimentala aipatu du Huercanos, eta egun Nafarroako Eguesibar udalerriko Altzuza kontzejuan dagoen Museoan dituzten erakusketak ere izan ditu mintzagai; bereziki, aurten ikusgai jarri duten "Nire emaztearen erretratua" izan du gogoan.