Igor Elortza: "Munduan leku eder bat eman dit bizitza jende ederrarekin konpartitzeak"

Bi urtera iritsi aurretik egingo du kitto Anonyme Popularrek. Rafa Rueda eta Igor Elortzaren proiektua, bertsolarien hitzetatik abiatutakoa. Mundu desosegatu baten irudia marrazten duten hitzak dira, baina umorea eta esperantza ere biltzen dutenak. Mundu honek erremediorik izango badu, jende ederragatik izango dela dio Igor Elortza bertsolariak. Ideologiaz, denbora izatearen beharraz, kontraesanez, laguntasunaz eta maitasunaz mintzatu da "Faktoria"n egindako elkarrizketan.