Larrialdi humanitarioa Gazan
Aloña Zubizarreta: "Bizitzen jarraitzeko gogoa ere agortzen ari zaie Gazan"
Jatekoa apenas, eta ur-edangarririk gabe geratzen ari dira zerrendan. Gazan erizain gisa lanean aritu zenean egindako lagunek kontatzen diotenaren lekukotza etsia eman digu Zubizarretak
Your browser doesn’t support HTML5 audio
Jerusalem bizi zela, Gazan misio humanitariotan aritutakoa da Aloña Zubizarreta erizaina. Naser ospitalean aritu izan zen. Hura ere bonbardatu dute eta, errautsetatik zerbait martxan jarri eta larrialdiak artatzen dituzte orain. Apenas gelditzen da ospitalerik Gazan. Herritar guztiek galdu dute senitartekoren bat. UNRWAtik diotenez, jatekorik apenas dagoen eta ur falta da, uda bereoan, oraingo kezka iturri nagusia. Gabezia horiekin ia hamar hilabete egin dituztela, bizitzeko gogoa ere agortzen ari zaiela kontatu digu Zubizarretak.