Petti , Faktorian astero
Errutinara bueltatzeko musika, Pettiren eskutik
Petti abeslari beratarrak bi asteazkenean behin ekarriko digu asteari soinu banda jarriko dion musika.
Your browser doesn’t support HTML5 audio
Irailak berekin dakarren 'hasiera' edota 'errutinara bueltatzeko joerari' heldu dio Pettik "Faktoria"n egin duen lehen astean. Udara eta oporren ondoren, 'lanera, eskolara edota jubilatuen kontzentrazioetara itzuliko' direnen horientzat kantu-perlak utzi ditu Pettik: Olaia Inziarteren "Lehengo lepotik burua", Pink Floyd-en "The Wall" eta hirugarrena, berak zuzenean kantatuta. Lanurteari ekiteko aldarte egokian kokatzen duen "Hitz Jarioa" eskaini digu gitarra eskuetan hartua.