IKUS-ENTZUNEZKOA
Nagore Urdapilleta eta Ibon Gaztañazpi: "Orio herriaren historia bildu dugu 'Errio'n"
Jon Artano Izeta | EITb Media
Txalupa urdin txiki batean, motorraren tor-tor-tor hotsa lagun, errioan gora egin dute elkarrizketa Orion filmatu duten "Errio" dokumentalaren zuzendariarekin eta protagonistarekin.
Your browser doesn’t support HTML5 audio
Altxerriko kobazuloetan ibiltzen zirenen kontuak, balea arrantzan ibiltzen zirenenak, ontzioletakoak... Oriaren ibilguaren azken kilometrotan sedimentutako historia eta istorioak kameraz biltzen eman ditu bi urte inguru lantalde batek. Hamaika herritarren esanak bildu dituzte. Ibon Gaztañazpi kazetari eta arraunlari ohia izan da lemazain. Bidania eta Beizama arteko baserri batean jaiotako arraunlari gaztea, Nagore Urdapilleta, aritu da elkarrizketatzaile. Filma estreinatu atarian, errioan gora eraman dute Euskadi Irratia.