50 arrantza-ontzi
Euskal arrantzaleek 'baikor' hasi dute antxoaren kanpaina
EUSKADI IRRATIA | DAVID BERAMENDI
Pasa den urtean, 17.000 tona antxoa saldu ziren Gipuzkoa eta Bizkaiko portuetan. Lehendabiziko salmenta hauen balio 27 milioi eurokoa izan zen.
Your browser doesn’t support HTML5 audio
"Baikor", euskal arrantzaleek hasi dute jada antxoaren kanpaina. Guztira, 50 bat arrantza-ontzi: 35, Gipuzkoan, eta beste dozena bat inguru, Bizkaian.
Zalantzarik gabe, baxurako arrantza-ontziek duten 'kostera' nagusienetako bat da antxoarena. Izan ere, diru-sarrera nagusienak antxoari esker lortzen dituzte. Horren lekuko, iazko datuak: 2017an, guztira, ia 17.000 tona antxoa saldu ziren Gipuzkoa eta Bizkaiko portuetan, aurreko urtean baino % 14 gehiago. Balioa? 27 milioi euro.