Asteburuan
Araba Euskaraz eta Leire Bilbao Innobasqueko zuzendaria, 'Goiz Kronika'n
Bestalde, larunbateko solasaldian Mikel Izagirre eta Felix Arrieta izango ditu bidelagun Joxe Juan Ugaldek.
Asteburu honetan, Argantzunen ospatuko duten Araba Euskaraz jaiari begira egongo gara 'Goiz Kronika' saioan. Igandean, 08:00etan, Ekaitz Lotina antolatzaileari egingo diogu elkarrizketa. Gainera, Leire Bilbao Innobasqueko zuzendaria elkarrizketatuko dugu 09:00etan. Larunbateko solasaldian, bestalde, Mikel Izagirre eta Felix Arrieta izango dira solaskideak, eta Osakidetako Lan Eskaintza Publikoko azterketen auzia, Aquarius ontzia, Pedro Sanchezen gobernu berriaren gorabeherak eta Altsasuko gazteen alde Iruñean egingo duten manifestazioa izango dituzte hizpide.
Larunbatean, 07:00etan hasiko da albistegia, 08:00etan abiatuko da albistegi nagusia eta 08:30ean arituko dira solasean Mikel Izagirre eta Felix Arrieta.
Igandean, 07:00etan eta 08:00etan izango dira albistegiak, 08:00etan izango da Araba Euskaraz jaiko antolatzaile den Ekaitz Lotinaren elkarrizketa, eta 09:00etan, berriz, albiste nagusien errepasoaren ondoren, Leire Bilbao Innobasqueko zuzendariarena. Jarraian, erreportajeen tartea izango dugu.