Juan Mari Zulaika: 'Elizak Francorekin kolaboratu zuen'

Durangoko Azokan, Irudienean, Apaiz Kartzela dokumentala aurre estreinatuko dute gaur. Zamorako apaiz espetxea du dokumentalak oinarri, Frankoren diktadurak 1968tik aurrera bertan espetxeratu zituen frankismoaren aurka eta Euskal Herriaren eskubideen alde azaltzen ziren apaiz ugari, 53 guztira. Juan Mari Zulaika apaizak Zamorako espetxea ezagutu zuen.

Zulaikak azaldu du, elizak Francorekin kolaboratu zuela, izan ere, doktrina zaharraren arabera, abadeak eta fraideak ezin ziren espetxe arrunt batera joan, horregatik, Zamorako apaiz espetxea sortu zuten. Apaiz espetxean, baldintza gogorrak jasan zituela azaldu du Zulaikak. Gaineratu du, gaur egungo gizartean oraindik ere frankismoaren arrastoa dagoela.

Dokumentalaren zuzendariak, Oier Aranzabal, David Pallares eta Ritxi Lizartza dira.