“Katalunian piztu egingo da berriro ere independentziaren aldarria orduko arazoak ez direlako desagertu”

Testuinguruan kokatu behar dugu duela bost urteko Kataluniako urriaren 1a; segur aski Parisko 1968ko maiatzetik hona ez da horrelako mugimendurik egon, Fermí Rubiralta kataluniarra, historiagilea, idazlearen arabera. "Gizarte zibilak bultzatu zuen mugimendua, Parisen bezala, eta ez soilik urriaren 1ean, aldarrikapen politiko garrantzitsuak egin ziren urrian zehar", Rubiraltak "Goiz Kronika"n azaldu duenez.

Fermí Rubiraltaren iritziz "Poliziak erabilitako indarkeriak ilusioa apaldu zuen zertxobait. Eta ondoren Kataluniako alderdien arteko lehiak ere apaldu dute duela bost urte erakutsitako indar hori. Baina oraindik ere badira hamaika arrazoi duela bost urteko aldarriari eusteko".