Jonan Fernandez
"Arduraz jokatzen badugu, mugikortasunari eutsi dakioke"
G.U. | EiTB Media
Jonan Fernandez LABIren batzorde teknikoko koordinatzaileak adierazi duenez, Biziberri planak ez du margina handirik uzten, baina goranzko joera tinko mantentzen bada, neurriak zorrotz daitezke.
Your browser doesn’t support HTML5 audio
Asteazkenean LABIren batzorde teknikoa bilduko da baina, Jonan Fernandez koordinatzaileak "Goizak Gaur" albistegian adierazi duenez, lehendakariari dagokio batzorde instituzionala biltzeko deialdia egitea, eta hori egingo ote duen ez dago argi. Aurreikuspenak epe laburrera egin behar direla azpimarratu du, eta adituek datozen egunak ondo aztertu beharko dituztela joera zein izango den jakiteko. "Datu asko ezagutzen dira baina badaude oraindik ezagutzen ez diren elementuak, eta jarraipen estua egin behar zaio joerari", nabarmendu du.
Azken 10 egunetako datuak ikusita "beheranzko joera eten" egin dela argi dagoen arren, LABI teknikoaren koordinatzaileak uste du EAEn neurriak zorrotzak direla eta horiek mantentzea dela asmoa. Arduraz jokatuz gero, eta pertsonen artean interakzio handirik ez bada, mugikortasunari eusteko aukera dagoela uste du Fernandezek. Alarma pizteko eta neurriak zorrozteko, goranzko joerak intentsoa edo tinkoa izan beharko lukeela azpimarratu du, eta egoerak bilakaera hori balu, neurriak egokituko liratekeela uste du.
Mugen kontrolari dagokionez, Ipar Euskal Herritik Hegoaldera igarotzen diren herritarren mugikortasuna kontrolatzeko eskuduntzarik ez dutela adierazi du.