Iryna Hych: 'Aitak Txernobyleko gune kutsatuan lan egin izan du'

Iryna Hych gazte ukraniarra, Txernobyleko eremuan jaio zen arren, ez da bertara itzuli; baina aitari, ingeniari den aldetik, bertan lan egitea egokitu izan zaio. Ukraniarrak oro har egoera politikoarekin desanimatuta eta nekatuta daudela nabarmendu du Irynak. Bestalde, herrialdearen ekialdean, oraindik ere gerra pil-pilean dagoela gogoratu du eta gerra-eremua itsita dagoela dio.

Hala ere, Iryna Hych-ek bizimodu erabat normala egiten du, Bucha eta Kiev artean. Bucha-n bizi da eta Kiev-en lan egiten du; ugalkortasun klinika batean itzultzaile lanak egiten ditu. Denbora librean, berriz, patinatzea eta yoga egitea gustatzen zaio. "Txernobileko haurrak" elkartearen eskutik Euskal Herrira etorri izan da urte luzez; eta, egun, Euskal Herrira ikastera etorri nahiko luke.