Asteburuan
'Hiru Erregeen Mahaia' Zarauztik egingo dugu larunbatean
Zarauzko triatloia dela eta, zuzenean emango dugu horren berri, baina, gainera, hainbat kirol ikuskizun izango ditugu malekoian jarriko dugun setean.
Zarauzko hondartzako irudi bat. Argazkia: Lorentxo Portularrume
Asteburu berezia izango dugu 'Hiru Erregeen Mahaia' saioan. Larunbatean, Zarauztik egingo dugu saio osoa. Zarauzko triatloia zuzenean eskaintzearekin batera, hainbat kirol ikuskizun antolatuko ditugu malekoian izango dugun set aurrean: Arria-Atutxa desafioa, Izetaren eskolako harri-jasotzaileak, Axi Muniainen skate erakustaldia eta Ane Zabaleta, Violeta Gonzalez eta Ixa Rodriguez boxeolariak.
Igandean, berriz, 16:00etan, Roland Garroseko finala, eta, 17:30etik aurrera, berriz, Urrutikoetxea-Irribarria, Buruz Buruko Txapelketaren finala.