'Landaberri', berriz bueltan, larunbatean, 09:00etan
Arantxa Arzaren gidaritzapean hasiko du denboraldi berria nekazaritzari eta ingurumenari buruzko saioak.
'Landaberri' saioa larunbat honetan itzuliko da Euskadi Irratiko uhinetara. Larunbatean, 09:00etan, Arantxa Arzak hartuko du saioaren gidaritza. Haren alboan, gure ohiko nekazaritza eta lorezaintza aditua izango da, Jakoba Errekondo, entzuleen galderei eta zalantzei erantzuten. Aste honetan, esaterako, landare exotikoez, gorostiaz eta kalabazaz arituko da.
Gainera, Pello Zabala ere izango da, aste osorako eguraldi iragarpena egiteko, baita tenporen aurrerapena ere. Bestalde, Bixente Indart Baigorriko bere etxaldetik arituko da Irulegiko Arnoaren festaz. Eta lehen sektoreari lotutako berriak ere izango dira, jakina, larunbat goizean, 'Landaberri' saioan.