Dardaren interpretazioa

Olerti Etxeak Harkaitz Canoren Dardaren interpretazioa poema antologia plazaratu zuen 2004an. Liburu hori dago izen bereko diskoaren inspirazio iturrian: "Dardaren interpretazioa" (2008). Haren testuetatik edanda 13 pieza instrumental sortu zituen Joserra Senperenak. Pianoa beti ardatz hirukote formatuan, Pedro Barceló bateriarekin eta Miguel Rodrigáñez kontrabaxu-jotzailearekin batera. Madrilgo Trak estudioan grabatu zuten  Jose Mª Rossillo teknikariaren ardurapean.