Manu Gomez: ''Etxarriko Udalaren aurka jo nahi duten susmoa dugu''

Apirilaren 13an, Etxarri-Aranatz herrian Euskal Herriaren independentziaz egin zen galdeketaren harira, guardia zibilaren aurrean deklaratzen izan dira galdeketa antolatu zuen A13 ekimeneko 3 kide. Manu Gomez bozeramaileak esan digunez, guardia zibilek ez diete argitu galdeketaren zergatia baina susmoa dute Etxarriko Udala nahastu nahi dutela auzian. Udalaren laguntzarik gabe, herritarrek egindako proiektua izan zela esan digu Gomezek eta salatu du herri galdeketak "kriminalizatu" nahi dituztela.