"Ez da kezkatu behar senideren baten errautsak itsasoan bota baditugu"

Errautsak itsasora botatzea edo etxean gordetzea debekatu du Vatikanoak, ohar baten bidez. Leku sakratuan eduki behar direla azpimarratu du: hilerrian, alegia. Unai Manterola Gipuzkoako Liturgiarako bikarioarekin hitz egin dugu 'Mezularia'n, eta lasaitasunerako deia egin du: "fede kristauaren tradizioa da ehorzketa", baina "ez da kezkatu behar, senideren baten errautsak itsasoan zabaldu baditugu".

Kontua da, esan duenez, tradizio kristaua aldatzean, ez nahastea beste sinismen batzuekin; esaterako, errautsak mendian botata, lurrarekin harremanetan gaudela: hori ez dator bat katolikotasunarekin.