Sabbatic enpresa ezagutu dugu

'Mezularia' saioaren Made In basque atalean, tiketak digitalizatzeko softwarea garatu duen enpresa bat ezagutu dugu: Sabbatic. Taxiaren ordainketa agiriari, autobidekoari edota faktura bati mugikorrarekin argazkia atera eta  bertan dagoen informazioa prozesatu eta enpresako administrazio sailera bidaltzen duen softwarea garatu dute enpresako kideek. Hiru ekintzailek sortu zuten enpresa duela hiru urte Donostian.

Paul San Sebastian Sabbaticeko kideak azaldu duenez, tiketaren informazioa digitalizatu egiten da eta aplikazioak faktura horretan datorren informazio guztia jasotzen du.

Ogasunak homologatutako sistema da, eta argazki horrek balio legala du.