EHUren kontrako erasoak eta zamaketarien dekretua, hizpide

EHUn astebetean hiru eraso izan dira, azkena, gaur goizean, Gasteizko Letren fakultatean. Aurpegia estalita zuten sei lagunek fakultateko bi zaintza-kamera eta kristal bat hautsi dituzte, eta eraikinaren sarrerako kristalak puskatzen saiatu dira mailu batekin. Erasoaren ostean, Ertzaintzak ikasle talde batek erabiltzen duen gela batetik materiale piroteknikoa, pintura poteak, arraultzak eta pankartak atera ditu.

EHUko errektoregoak gaitzetsi egin du gertatutakoa, eta unibertsitatean askatasunez eta beldurrik gabe jarduteko eskubidea aldarrikatu du. Eraso horien inguruko hausnarketa egin dute Xabier De La Maza eta Aitor Urresti solaskideek 'Mezularia'n.

Kongresuan zamaketarien dekretua atzera bota dutela eta, horren ondorioak ere aipatu dituzte.