Lasarte-Oriako Semblante Andaluz elkarteak 25 urte bete ditu

Txintxarri aldizkariko Maddi Noriegak eta Semblante Andaluzeko Elma Perezek eman digute Lasarte-Orian duela 25 urte sortu zen elkartearen berri, 'Mezularia'n. Andaluziako dantzak ikasteko herrian zeuden taldeen ingurutik sortu zen elkartea egiteko asmoa.

Andaluziako eta beste erkidego batzuetako lagunak biltzen ditu Semblante Andaluzek, eta urtean zehar hainbat ekitaldi egiten dituzte. Herriko beste elkarte batzuekin ere badute harremana.

Mende laurdena ospatzeko apirileko lehendabiziko astebururako antolatu duten ekitaldi sortaren berri  eman digute.