Caritasen txostena
'Elkartasuna behar dute duintasuna badutela sentitzeko'
Ramon Ibeas Arabako Caritaseko arduradunak ohartarazi du gero eta zailagoa dela pobrezian kronifikatu diren herritarrak egoera horretatik ateratzea. Haiekiko elkartasuna ezinbesteko jo du Ibeasek.
Your browser doesn’t support HTML5 audio
Caritasek azken hamarkadako diru kopururik handiena erabili zuen iaz pobrezian bizi diren pertsonak artatzeko; laguntza 53.000 herritarri eman zien. Datuok eskuetan zera ohartarazi du Ramon Ibeasek, Arabako Caritaseko arduradunak, 'Mezularia'n: gero eta zailagoa dela pobrezian kronifikatu den herritar taldea egoera horretatik ateratzea. Erakundeei eskatu die arrisku faktore guztiak aintzat har ditzatela oinarrizko diru-sarrerak bermatzeko errentaren berrazterketa egiteko orduan.