Ez dugu emakumeek egindakoa ezagutzen; Maria Ana Bidegaray da adibidea'

Historia eta literatura uztartuz, Maria Ana Bidegaray izenburua duen liburu biografiko-nobelatua aurkeztu dute Donostian. XX. mendeko euskal emakume garrantzitsunetakoa izan zen Maria Ana Bidegaray, Europan eta Ameriketan egin zuen lan humanitario, politiko, kultural eta soziala tarteko. Gure artean, ordea, erabat ezezaguna da hark egindako ekarpena. Xabier Irujok historialariak eman du 'Mezularia'n emakume aitzindari haren ibilbidearen berri.