Egunero
'La Jungla Sonora', airean egunero
EITB.EUS
EITB
Astelehenetik ostiralera EiTB Musikan izango da entzungai 23:00etatik aurrera, eta asteburuan ohiko tokia mantenduko du Radio Euskadin, larunbat eta igandean, 15:00etan, eta larunbat gauerdian.
Datorren astelehenetik aurrera, urriak 5, 'La Jungla Sonora' saioa egunero izango da entzungai EiTB Musika eta Radio Euskadi irratietan. Radio Euskadiko programazioan ohiko saioei eutsiko die: larunbat eta igande bazkalostean, 15:00etan eta larunbat gauerdian monografikoak eskainiko ditu. Astelehenetik aurrera, gainera, EiTB Musika irratian bere tokia izango du astelehenetik ostiralera, 23:00etatik aurrera.
Garai berri honetan, espazio eta aukera gehiago emango dizkie bertoko talde eta bakarlariei, batez ere astearte eta osteguneko saioetan; eta horrekin batera, agenda zehatza eskainiko du asteburuko atarian, Euskal Herriko areto eta lokaletan izango diren kontzertuen berri emanez.
'La Jungla Sonora' saioa Joseba Martin kazetariak zuzentzen du 1989. urtean sortu zenetik, eta ohiko laguntzaile ditu Eduardo Ranedo, Gotzon Hermosilla eta Fernando Gegundez. Gainera, litekeena da munduko hainbat hiritako kolaboratzaileak bereganatzea ondorengo asteetan. Irratsaioak, ibilbide profesional onenari Ondas saria jaso zuen 2009an, eta 2010ean, euskal kulturari emandako laguntzagatik Galdames Folk jaialdiko Zilarrezko Alboka jaso zuen.