Hondarribia Emakumezkoen Herri arteko TRINDOOR-eko Txapeldun!

Hori bai, uste baino estuagoa izan da Finala. DONOSTIAk egin du bigarren. Ainhoa Larrañaga triatloilari gazteak ordezkatu du Saioa Olite bizikletako lanean –Arrigorriagako duatloiean zen Olite-, eta oso lan ona egin du; horri gehitu Agurtzane Manterolak eta Pili Bodegasek arraunean eta korrika eginiko marka onak, ba marka bikaina emaitza: 14’34”.

GERNIKA-LUMO bigarren postutik 3”ra besterik ezta geratu. Hirugarren Silvia Hermida, Leire Larreta eta Nerea Lafuente, hiruek lan oso erregularra eginda, kanporaketetako erreferentzien dantzan segiz. Hori bai, bizikletako saioaren ostean 11”ko aldea zuten Donostiarekiko, baina Lafuentek marka ona eginik ere eztu bere egunik onena izan. Amaieran: 14’37”.

Eta ZARAUTZ izan da laugarrena. Baina azken denborarik gabe, Lauko Finaleko sustoa emanda: Miren Casado korrika ari zela, amaitzeko 300 metro faltan eta sekulako marka egiteko bidean, korrikako zintaren ertz bat jo eta erori egin da; saioa bertan behera, baina zorionez Miren osorik, min larririk hartu gabe. Haren pena! Bego Urbitartek egin du bizikleta saioa aurretik, eta Patri Damianek arraunekoa, eta lehen bi saioen ostean Donostiarekiko 10”ko atzerapena besterik ez zuten... ezin jakin korrikakoa bukatu izan balute nola amaituko zuten.

HONDARRIBIAk, beraz, lanik onena. Besteen erreferentziak jakinda egin dute saioa, eta arraunean eta bizikletan finaleko denborarik onenak eginda –Arrizabalagak arrauneko errekorra berdindu du beste behin, eta Yuntak bere marka hobetu du-, korrikako saiora abantailarekin iritsi dira eta Rodrigezek horrekin jokatuta osatu du bere lana, denbora eta erritmoa kontrolatuz.

Sariak banatzen aritu dira Felipe Juaristi, Euskadi Irratiko Zuzendaria, eta Kristina Zorita, Euskadi Irratiko Informatiboetako eta Kiroletako burua:

1. HONDARRIBIA: Hero Go Pro bideokamara bana eta produktu sortak: EiTB, Mahala baserriko produktuak, IBK Kirolak denda
2. DONOSTIA: Ipod shuffle bana eta produktu sortak: EiTB, Mahala baserriko produktuak, IBK Kirolak denda
3. GERNIKA-LUMO: Ipod shuffle bana eta produktu sortak: EiTB, Mahala baserriko produktuak, IBK Kirolak denda
4. ZARAUTZ: Ipod shuffle bana eta produktu sortak: EiTB, Mahala baserriko produktuak, IBK Kirolak denda

*Euskadi Irratiko HEM saioaren izenean eskerrak Mahala baserriko produktuak ( www.mahalanaturala.com) eta Tolosako IBK Kirolak dendari ( www.ibkkirolak.com)