Asanblea, ostiraleko 'Mezularia'n

Nika, Mikel eta Aitorrekin asanblea egingo dute ostiral arratsaldean 'Mezularia'n. Aste honetan auzolanaren gaiari helduko diote eta brigadisten mugimendua ere ezagutuko dute.

Naroa Aldanondo Saudi Arabian dabil bertako arrainak ikertzen eta bere lanaren berri emango du 'Mezularia'n. Seietan, eguneko hotsen errepasoaren ondoren, Donibane Lohitzuneko Peio DJa ezagutuko dute. Berak ekarritako musika entzunez emango dute bigarren ordua eta azken txanpan, berriz, Eli Zunzunegi eta Olatz Arrietak Bartzeona eta New Yorkeko kontuak kontatuko dituzte.