Elkarrizketa
Murrizketen aurrean 'azkarregi etsi' duela esan dio Ortuzarrek Lopezi
Erredakzioa
EAJren BBBko presidenteak adierazi duenez, autogobernua defendatzeko "gehiago borrokatu daiteke" eta Euskadik "errezeta horiek behar ez dituela erakusteko" Gobernuari "gehiago aurre egin behar zaio".
Your browser doesn’t support HTML5 video
Andoni Ortuzar EAJren Bizkaia Buru Batzarren presidenteak PPren Gobernuaren murrizketen aurrean "azkarregi amore eman" duela esan dio Lopez lehendakariari. Gainera, Ortuzarren ustez, autogobernua defendatzeko "gehiago borrokatu daiteke".
Radio Euskadin eskaini duen elkarrizketa batean, lehendakariak "jokalari txarraren jarrera" duela esan du. Horrez gain, "bidegabea" dela esan du; izan ere, hiru urte daramatzan Gobernuak "jasotako Euskadiren jaraunspena xahutu du".
Ortuzarrek azaldu duenez, EAJk krisitik ateratzeko metodo "oso desberdina" du eta lehendakariak "azkarregi amore eman du eta berehala esan du Gobernuaren murrizketei ezin zaiela aurre egin". "Gehiago egin daiteke eta behar da. Bizkaiak bidea erakutsi du", gaineratu du. BBBko presidentearen ustez, Euskadik "errezeta horiek behar ez dituela erakutsi behar da" eta Gobernuari "gehiago aurre egin behar zaio".