BERRITZEA
Iñaki Errastik eta Eneko Azkaratek Ondarroako arraun taldeak entrenatzen jarraituko dute
EITB MEDIA
Azkaratek emakumeen taldea gidatzen segiko du; Errastik, berriz, gizonezkoenak. Biek beste denboraldi baterako konpromisoa hartu dute.
Iñaki Errastiren artxiboko irudia
Ondarroako arraun elkarteak Iñaki Errastiren eta Eneko Azkarateren berritzeak baieztatu ditu asteazken honetan, beste denboraldi baterako. Azkaratek emakumeen taldea entrenatzen jarraituko du, ETE Ligan; Errastik, bestetik, Eusko Label Ligan gidatuko du gizonezkoen multzoa.
Denboraldi honetan, zortzigarren postuan daude mutilak Eusko Label Ligan, amaitzeko bi estropadaren faltan. Emakumeen taldeak zazpigarren bukatu du ETE Ligako sailkapen orokorrean.