Orio izan da garaile Pasaian eta bost puntu jan dizkio Kaikuri

Oriok irabazi du Pasaiako III. Bandera, eta San Miguel Ligako sailkapen nagusia asko estutu du. Oriotarrak jaun eta jabe izan dira Pasaiako uretan, eta Kaikuk kale egin du.

Sailkapen nagusia asko estutu du Orioren garaipenak. Gipuzkoarrak sailkapen nagusiko bigarren postuan daude, eta liderra lau puntura dute orain. Estropada hasi aurretik, bederatzi puntura zuten Kaiku.

Urdaibai izan da bigarren igande honetako estropadan. Bermeoko taldeak estropada ona egin du, baina ezin izan du Orio gainditu. Hirugarren postua Hondarribiarentzat izan da.

Inork hala uste ez zuen arren, Kaikuk kale egin du Pasaian. 'Bizkaitarra' ontziko tripulazioak ez du bere egun onena izan, eta seigarren postuan bukatu du estropada. Kaikuk sailkapen nagusiko lidergoan jarraitzen du, baina bederatzi puntutik lau puntura murriztu zaio Oriorekiko zuen abantaila.

Estropadako sailkapena (Pasaiako III. Bandera):

1 Orio Babyauto 19:54,16

2 Urdaibai Umpro Avia 19:56,82

3 Hondarribia Orsa 19:59,24

4 Portugalete Eulen 20:10,00

5 San Pedro Ecolmare 20:10,52

6 Kaiku Ambilamp 20:10,96

7 San Juan Iberdrola 20:21,70

8 Tiran Pereira 20:26,14

9 Pedreña 20:37,06

10 Astillero 20:39,85

11 Castreña 20:44,64

12 Zumaia 20:52,52

2013ko San Miguel Ligako sailkapena:

1.- Kaiku........ 134 puntu

2.- Orio......... 130

3.- Urdaibai..... 126

4.- Hondarribia.. 105

5.- Tiran........... 105

6.- Portugalete... 96

7.- San Pedro..... 86

8.- San Juan...... 85

9.- Astillero..... 68

10.- Pedreña...... 36

11.- Zumaia....... 27

12.- La Castreña.. 22