Euskotren Liga
Oriok irabazi du Coruñako Bandera, lau ehunenengatik
L. E. A. | EITB MEDIA
Arraun Lagunak larunbateko irabazlea da ligako liderra, Oriok lehen jardunaldi horretan hirugarren egin zuelako.
Orioko arraunlariak, Coruñako banderarekin. Irudia: EITB MEDIA.
Orio Euskotren Ligako egungo txapelduna gailendu da Coruñako Banderan, lehen jardunaldian egindako estropada kaskarra iraulita. Horiek lau ehuneneko aldearekin gailendu zaizkio, bi jardunaldietako denborak kontuan izanda, Arraun Lagunaki.
Oriok hirugarren egin zuen larunbatean eta 5.48 segundo errekuperatu behar zizkion Arraun Lagunaki eta hiru Donostiarrari.
Azkenean, Nadeth Agirrek zuzendutako arraunlariek 5.52 atera diote Arraun Lagunaki eta, ondorioz, bandera Oriora joan da.
Hala ere, Arraun Lagunak da Euskotren Ligako liderra, larunbateko jardunaldiko sailkapenari esker, orduan Oriok hirugarren egin zuelako.
Euskotren Liga Coruñako Bandera