Arraun Lagunak jaun ta jabe izan da etxean, eta ligako lidergoa sendotu du

Arraun Lagunakek irabazi du Donostiarra Bandera, Euskotren Ligako hirugarren jardunaldian.

Andrea Astudilloren arraunlariak jaun eta jabe izan dira. Lehen luzean, estropadaren buruan joan dira Orio aurkari nagusiarekin batera, baina lehen ziabogan aldea zabaltzen ari dira. Horrela, ligako egungo liderrek 5:28 denbora egin dute ziabogan, Oriok lau segundo gehiago behar izan ditu, Donostiarrak sei gehiago eta Hondarribiak zazpi gehiago.

Azken luzean, etxekoen nagusitasuna areagotu egin da. Bi ontziko aldea izan du bigarren postuan joan den Oriorekin. Azkenena, Arraun Lagunakek egin du denborarik onena, 10:59. Orio bigarren izan da, 7 segundora, Hondarribia hirugarren 10 segundora, eta Donostiarra laugarren, 12 segundora.

Euskotren Ligako sailkapenean, Arraun Lagunak lehen postuan da 11 punturekin, Orio bigarren da 9rekin, Donostiarra hirugarren 6 punturekin eta Hondarribia laugarren 4 punturekin.

Igandean, Euskotren Ligako laugarren jardunaldia jokatuko dute Zierbenan.