Eusko Label Liga
Santurtzi nagusitu da Bermeon, eta erabakita utzi du liga
A. A. | EITB MEDIA
Bizkaitarrek 8 puntuko aldea dute Hondarribiarekiko, eta nahikoa dute igandean lehiatuko den azken estropada amaitzearekin euren bigarren koroa irabazteko.
Your browser doesn’t support HTML5 video
Santurtzik irabazi du larunbat arratsaldean jokatu den Bermeoko XXXIX. Ikurrina, Eusko Label Ligako 19. jardunaldiari zegokion estropada. Lehenengo txandan arraun egin duen Zierbenak lortu du bigarren postua eta Hondarribiarentzat izan da jardunaldiko hirugarren tokia.
Ondorioz, bizkaitarrek bi puntu gehiago atera dizkiote sailkapen nagusian hondarribiarrei; hots, 8 puntuko aldea dago sailkapen nagusian bi ontzien artean. Hartara, Soterakoek nahikoa dute igandean Portugaleten jokatuko den txapelketako azken jardunaldia amaitzearekin, deskalifikaziorik jaso gabe, 2021eko Eusko Label Liga bereganatzeko, jarraian lortuko luketen bigarrena, hain zuzen ere.
Oso zaila zen estropada eremuan, ohikoa de saihetseko olatua presente zegoela eta haizea gero eta gehiago altxatzen ari zela, Gorka Aranberriren koadrilak azken luzean oinarritu du bere garaipena, hirugarren ziabogan sei segundo baitziren Zierbenaren atzetik.
Izan ere, galipoak lehen txandako indartsuenak izan dira (21:28:04) Urdaibai, Ondarroa eta Cabo da Cruzen aurretik. hartara, Juan Zunzunegiren taldeak bandera irabazteko itxaropenei eutsi diete ia azken unera arte, baina azkenean saririk gabe geratu dira.
BERMEOKO ESTROPADAKO SAILKAPENA:
Bermeoko estropadako azken sailkapena. Argazkia: EITB
EUSKO LABEL LIGAKO SAILKAPEN NAGUSIA BERMEOKO ESTROPADAREN OSTEAN:
Eusko Label Ligako sailkapen nagusia. Argazkia: EITB