Kontxako Bandera
2024ko Kontxako Banderaren emakumezkoen sailkatze-estropadaren irteera-ordena
EITB MEDIA
Irteera hartuko duen lehenengo trainerua Perillo izango da. Bestalde, Chapela arduratuko da erlojupekoa ixteaz.
Sailkatze-estropadan, Kontxarako zazpi txartel izango dira jokoan. Argazkia: EFE.
Ostegun eguerdian zozkatu da gaur arratsaldean erlojupeko modalitatean jokatuko den Kontxako Banderaren emakumezkoen sailkatzeko estropadaren irteera-ordena. Sailkatze-proba eitb.eus-en eta ETB1en izango da ikusgai, zuzenean, 17:40tik aurrera.
Zozketaren emaitzaren arabera, Perillo izango da lehena arraun egiten, eta San Juaneko ontziak itxiko du lehenengo multzoko traineruen txanda. Ondoren, bigarren multzokoek ekingo diote lehiari; Euskotren Ligako traineruak multzo horretan daude. Tolosaldea abiatuko da guztien aurretik; helmugaratzen azkena, berriz, Chapela izango da.
Sailkatze-estropada amaituta, Kontxarako txartela lortzen duten ontzien ordezkariak Donostiako Udalera abiatuko dira, eta igande honetako jardunaldirako txandetako zozketa egingo dute; zozketa eitb.eus-en izango da ikusgai, zuzenean. Kontxako Bandera igandean hasiko dira jokatzen.
Sailkatze-estropadaren ordena:
LEHENENGO MULTZOA
1- Perillo
2- Rianxo
3- Castropol
4- Ondarroa
5- Hernani
6- Kaiku
7- Cesantes
8- Deustu
9- Zarautz
10- San Juan
BIGARREN MULTZOA
11- Tolosaldea
12- Orio
13- Zumaia
14- Cabo
15- Hondarribia
16- Donostia Arraun Lagunak
17- Tiran
18- Hibaika
19- Astillero
20- Chapela