Eskubaloia
Bourgogne Dijon izango da Bera Beraren aurkaria EHF Europako Ligako hirugarren kanporaketan
EITB MEDIA
Donostiako taldeak etxean jokatuko du azaroaren 8 eta 9ko asteburuan; azaroaren 15 eta 16ko asteburuan, ostera, etxetik kanpo.
Bourgogne Dijon izango da Bera Beraren aurkaria EHF Europako Liga
Super Amara Bera Berak Frantziako Bourgogne Dijon taldearen aurka jokatuko du EHF Europako Ligako hirugarren kanporaketan, astearte eguerdian Vienan egindako zozketaren arabera.
Horrenbestez, donostiar taldeak etxean jokatuko du azaroaren 8 eta 9ko asteburuan; kanpoan, berriz, astebete geroago, azaroaren 15 eta 16ko asteburuan. Azken kanporaketa horrek multzo faserako sarbidea ematen du; hori urtarrilaren 10ean hasi eta otsailaren 21ean amaituko da.
Iaz, EHF Europako Liga finaleko fasean hirugarren geratu zen Bourgogne Dijon; beraz, aurkari gogorra izango du aurrean Imanol Alvarezen taldeak.
Badugu aurkaria @ehfel_official en !
— super amara Bera Bera (@BalonmaBeraBera) July 15, 2025
Ya tenemos rival en la QR3 !
El Dijon francés, tercero en la final four del año pasado pic.twitter.com/xlFXJ40p5I