Izaskun Oses iruindarra, 1.500 metroetako munduko txapeldunordea

Izaskun Oses atleta nafarra munduko txapeldunordea da 1.500 metroetako T13 (ikusmen urritasuna duten atletentzako kategoria) lasterketan, New Delhiko atletismo paralinpikoko Munduko Txapelketetan. Hala, zilarrezko domina eskuratu du.

Osesek 04:51.12ko denboran amaitu du lasterketa, Greta Streimkyte irlandarraren atzetik. Brontzea Elena Pautova atleta neutralak eskuratu du.

Horrela, iruindarrak 2016ko Joko Paralinpikoetan modalitate horretan lortutako brontzea gainditu du.