Bat Formula
Vettelek lidergoa sendotu du Koreako Sari Nagusia irabazi ostean
Erredakzioa
Pilotu alemaniarrak garaipena lortu du, eta munduko txapeldun izendatzeko aurrepauso handia eman du. Raikkonen izan da bigarren, eta Grosjean hirugarren. Fernando Alonso seigarren izan da.
Sebastian Vettelek Koreako Sari Nagusia irabazi du. Argazkia: EFE
Sebastian Vettelek (Red Bull) irabazi du Koreako Sari Nagusia, eta munduko txapeldun izendatzeko aurrepausoa eman du alemaniarrak. Fernando Alonso (Ferrari) seigarren izan da, eta Vettelekiko zuen desabantaila handitu egin da.
Vettel jaun eta jabe izan da hasieratik amaieraraino, eta garaipena lortu du. Kimi Raikkonen (Lotus) izan da bigarren, eta Romain Grosjeanek (Lotus) osatu du podiuma hirugarren postua lortuta.
Red Bull taldeko pilotu alemaniarrak denboraldiko zortzigarren garaipena lortu du, eta munduko txapelketako liderra da 272 punturekin. Bigarren sailkatua den Fernando Alonsorekiko 77 puntuko abantaila du Vettelek, eta 105 puntu ateratzen dizkio hirugarren postuan dagoen Raikkoneni.
Koreako Sari Nagusiko sailkapena:
1. Sebastian Vettel (GER/Red Bull) 1.43:13.701
.2. Kimi Raikkonen (FIN/Lotus) + 4.224
.3. Romain Grosjean (FRA/Lotus) + 4.927
.4. Nico Hülkenberg (GER/Sauber) + 24.114
.5. Lewis Hamilton (GBR/Mercedes) + 25.255
.6. Fernando Alonso (ESP/Ferrari) + 26.189
.7. Nico Rosberg (GER/Mercedes) + 26.698
.8. Jenson Button (GBR/McLaren) + 32.262
.9. Felipe Massa (BRA/Ferrari) + 34.390
10. Sergio Perez (MEX/McLaren) + 35.155
11. Esteban Gutierrez (MEX/Sauber) + 35.990
12. Valtteri Bottas (FIN/Williams) + 47.049
13. Pastor Maldonado (VEN Williams) + 50.013
14. Charles Pic (FRA/Caterham) + 1:03.578
15. Giedo van der Garde (NED/Caterham) + 1:04.501
16. Jules Bianchi (FRA/Marussia) + 1:07.970
17. Max Chilton (GBR/Marussia) + 1:12.898
18. Jean-Eric Vergne (FRA/Toro Rosso) 2 itzulira
19. Daniel Ricciardo (AUS/Toro Rosso) 3 itzulira
20. Adrian Sutil (GER/Force India) 5 itzulira
Erretiratu diren pilotuak:
Mark Webber (AUS/Red Bull) 38. itzulian
Paul di Resta (GBR/Force India) 24. itzulian