Bat Formula
Abu Dabin ere, Vettel nagusi
Redacción
Merk Webber taldekidea bigarren izan da, eta Nico Rosberg (Mercedes), hirugarren. Fernando Alonso (Ferrari) bosgarren sartu da.
Sebastian Vettelek denboraldiko zapigarren garaipena jarraian lortu du. Efe.
Sebastian Vettel alemaniarra gailendu da Abu Dabiko Sari Nagusian, Bat Formulako Munduko Txapelketako 17. lasterketan. Red Bulleko pilotuak denboraldi honetako zazpigarren lasterketa jarraian irabazi du. Garaipen horri esker, Vettelek Michael Schumacher eta Alberto Ascari historikoen marka berdindu du. Fernando Alonso bosgarren izan da.
Mark Webber australiarra (Red Bull) bigarren izan da, lehen postutik atera ondoren, eta Nico Rosberg hirugarren sartu da Yas Marina zirkuituari 55 itzuli eman ondoren.
Lasterketa hasi eta segundo gutxi batzuk bakarrik behar izan ditu Vettelek Webber taldekidea aurreratzeko. Nico Rosbergek ere aurrea hartu dio australiarrari, baina gero honek bigarren postua berreskuratzea lortu du.
Lasterketa aurreratzez beteta egon da, taldeek geldialdien inguruan antolatutako estrategiek bultzatuta. Auto-gidari batzuek geldialdi bakarra egin dute: Di Resta britaniarrak (seigarren) eta Sutil alemaniarrak (hamargarren) esaterako.