Bat Formula
Schumacher egonkor dago, baina egoera kritikoan
Erredakzioa
Poliziak prentsaurrekoa iragarri du asteazkenerako, 11:00etan, istripuaren ikerketan emandako pausoen berri emateko.
Michael Schumacherrek istripua izan zuen, eskiatzen zegoela, abenduaren 29an. Efe.
Michael Schumacher Bat Formulako pilotuak "egonkor" jarraitzen du, baina egoera kritikoan, Grenobleko medikuek astelehen honetan aditzera emandakoaren arabera. Schumacherrek eski istripua izan zuen abenduaren 29an.
Medikuek azaldu dutenez, Schumacher etengabeko zaintzapean dago, eta bere egoerak "kritikoa izaten" jarraitzen du.
Ospitaleko arduradunek, pilotuaren intimitatea gordetzea argudiatuta, ez dute tratamenduaren zehaztasunik eman, eta ez dute komunikatu gehiago atera edota prentsaurreko gehiagorik emateko asmorik.
Ikerketa
Bestalde, Fiskaltzak prentsaurreko bat iragarri du asteazkenerako, 11:00etan, istripuaren inguruan egindako ikerketaren emaitzen berri emateko.
Schumacherrek kolpe handia hartu zuen haitz baten kontra, semearekin Meribelen eskiatzen ari zela, Frantziako Alpeetan.