Kirol emanaldiak
Laboral Kutxa-Valencia Basket, zuzenean, gaur, ETB1en eta eitb.eus-en
EITB
ETB1ek, gainera, Olaizola II-Irujo pilotariek elkarren aurka jokatutako aurreko lau eta erdiko finalak gogoratuko ditu 'Gure Bideoteka' tartean.
Laboral Kutxa-Valentzia Argazkia: EFE
Laboral Kutxa eta Valencia Basket taldeen arteko norgehiagoka eskainiko dute gaur zuzenean ETB1ek eta eitb.eus-ek. Euroligako bederatzigarren jardunaldiko partida Gasteizen jokatuko da 20:30ean, eta Asier Aranguren, Josean Aldalur eta Juan de la Vegak egingo dute emanaldiaren gaineko kontakizuna.
Bestalde, Olaizola II eta Irujo pilotariek igande honetan jokatuko dute Lau 'erdiko finala, baina ez da elkarren aurka jokatu duten lehenengoa. ETB1eko 'Gure Bideoteka' tarteak bi pilotarien arteko aurreko finalak gogoratuko ditu: 2008koa eta 2013koa.