Nojako Bandera
Urdaibai Hondarribiari gerturatu zaio, Nojan irabazita
Agentziak | Erredakzioa
Bermeoko ontzia izan da 20 minututik jaitsi den bakarra. Estropada erlojupeko eran jokatu dute, balizekin arazoak egon direlako.
Urdaibaiko arraunlariak, estropadako azken metroetan. Argazkia: EiTB.
Urdaibaik irabazi du Nojako Hondartzen III. Bandera eta, ondorioz, bizkaitarrek gertuago dute Hondarribia San Miguel Ligako sailkapen nagusian. Ama Guadalupekoak bosgarren amaitu du.
Kanpoko balizekin izandako arazo baten ondorioz, estropada erlojupeko eran jokatu behar izan dute. Traineruak laugarren kaletik atera dira, banan-banan, bata bestearen atzetik.
Guztien artean, Urdaibai izan da 20 minutu baino gutxiago egin dituen bakarra (19:58:52). Bizkaitarrek ia 20 segundoko aldea atera diote Hondarribia San Miguel Ligako liderrari.