Australiako Sari Nagusia
Efren Vazquez bigarren izan da, lasterketa gorabeheratsu batean
Agentziak | Erredakzioa
Garaipena Miguel Oliveira portugaldarrak lortu du. MotoGPn Marc Marquez gailendu da, eta Moto2n, berriz, Alex Rins.
Efren Vazquez. Argazkia: Efe.
Efren Vazquez bizkaitarrak (Honda) bigarren egin du Australiako Sari Nagusiko Moto3 kategorian. Lasterketa gorabeheratsua izan da, erorketa ugarirekin.
Garaipena Miguel Oliveira portugaldarrak lortu du (KTM), bere laugarrena da, eta horri esker Danny Kentek Munduko Txapelketa matematikoki irabaztea ekidin du.
Marquez nagusi MotoGP kategorian
Kategoria nagusian, Marc Marquez (Repsol Honda RC 213 V) gailendu da, Jorge Lorenzoren (Yamaha YZR M 1) eta Andrea Iannone italiarraren (Ducati Desmosedici GP15) aurretik.
Valentino Rossi (Yamaha YZR M 1) italiarra laugarren izan da eta Lorenzok abantaila murriztu dio, Munduko Txapelketa amaitzeko bi lasterketa falta direnenean.
Alex Rin garaile, Moto2n
Moto2 kategorian, Alex Rin (Kalex) gailendu da. Bigarren San Lowes britainiarra izan da (Speed Up), eta Lorenzo Baldasarri italiarra hirugarren (Kalex).
See full #Moto3 results here: http://t.co/HxJ2lLstFO #AustralianGP pic.twitter.com/zJBZHdlel6
— MotoGP™ (@MotoGP) octubre 18, 2015