Europako txapelketa
Judoa: Uriartek urrea, Blancok brontzea
K.I
Erredakzioa
Judoka gasteiztarrak urrezko domina irabazi du, finalean Ungvari errumaniarra gaindituz. Oiana Blancok brontzea lortu du Valentina Moscatten aurkako borrokan.
Emaitza bikainak lortu dituzte Europako txapelketatan parte hartu duten bi euskal judokek. Sugoi Uriartek irabazi egin du 66 kilo arteko mailan. Oihana Blancok brontzezko domina lortu du.
Vienako txapelketan Sugoi Uriartek Colin Oates britaniarrari eta Armen Nazaryan armeniarrari irabazi diote. Finalerdietan Andreas Mittellferner austriarra menperatu du. Finalean Miklos Ungvari hungariarra izan du aurkari, garaipena lortu duelarik, urrezko domina irabaziz.
Blancok brontzea irabazi du. Oriotarrak lehen bi borrokak irabazi ditu, Aurore Clemence frantziarra eta Kelly Edwards britainiarra menperatuz. Finalerdian galdu egin du Alexandra Dumitru errumaniarraren aurka. Ondorioz, hirugarren posturako lehian hartu du parte, Valentina Moscatt italiarrari irabaziz.