Atletismoa
Eliud Too eta Mercy Jepkangor, Bilboko Gau Maratoiaren irabazleak
Agentziak | Erredakzioa
Keniako atletak probako errekorra hautsi du emakumezkoen kategorian, 2:47:11ko denborarekin.
Your browser doesn’t support HTML5 video
Keniako Eliud Took eta Mercy Jepkangorrek irabazi dute Bilbao Night Marathon. 49 herrialdetako 11.000 lasterkarik hartu dute parte gau lasterketan, hiru kategoriatan bananduta.
Gizonezkoen proba nagusian, Took 2:18:26ko denbora egin du, David Kiplagat keniarrak baino 10 minutu gutxiago behar izan ditu (2:28:16) eta Menorcako Joan Floritek baino 25 gutxiago (2:43:24).
Emakumezkoetan, Jepkangorrek probako marka hautsi du, 2:47:11ko denborarekin. Bigarren sailkatua Dolores Marco izan da (2:54:13), eta hirugarrena, Mari Carmen Gartzi (3:20:53).
Maratoi erdian ere errekorrak hautsi dira, gizonezkoetan zein emakumezkoetan. Keniako Kiptoo Maito (1:04:18) eta Chebet Korir (1:13:35) garaile irten ziren.
10 kilometroko lasterketa piratan, Marc Hurtado eta Alejandra Arribas heldu ziren lehen postuan.